Danııar Esın: Joldaý - memlekettik saıasattyń basym baǵyttaryn kórsetýmen mańyzdy

NUR-SULTAN. QazAqparat – Memleket basshysy halyqty jumyspen qamtý jáne tabysyn saqtaý eń negizgi basymdyq retinde aıqyndap berdi. Bul týraly «Rýhanı jańǵyrý» Qazaqstannyń qoǵamdyq damý ıstıtýtynyń basqarma tóraǵasy Danııar Esın aıtty, dep habarlaıdy QazAqparat tilshisi.

«Memleket basshysy Qasym-Jomart Toqaevtyń Joldaýy halyq úshin ózekti ýaqytta jarııalandy. Pandemııadan keıin qoǵamnyń qundylyqtary, halyqtyń memlekettik basqarýǵa qatysty kózqarasy ózgergeni aıqyndaldy. Bul jylǵy Joldaýdyń ózektiligi pandemııa jaǵdaıynda el damýynyń kontrlaryn aıqyndaý men memlekettik saıasattyń basym baǵyttaryn kórsetýimen mańyzdy bolyp otyr», - dedi ol Prezıdent Joldaýyn sarapshylyq talqylaýǵa arnalǵan jıyn barysynda.

Onyń atap ótýinshe, usynylǵan bastamalar ulttyń básekege qabilettiliginiń bazalyq faktorlarynyń birine aınalyp, qazaqstandyqtardyń jańa kelbetiniń qalyptasyna septigin tıgizedi. Prezıdent Joldaýynyń mańyzdy aspektisi áleýmettik baǵyttyń saqtalýy sanalady jáne bul baǵytta birqatar reforma usynylyp otyr. Memleket basshysy halyqty jumyspen qamtý jáne tabysyn saqtaý eń negizgi basymdyq retinde aıqyndap berdi. Al bul azamattardyń ál-aýqatyn bildiredi.

«Prezıdenttiń halyqqa Joldaýy bizdiń ınstıtýttyń qoǵam sanasyn jańǵyrtý jolyndaǵy jumysyna jańa serpin beredi dep oılaımyz. Joldaý ekonomıkany, memlekettik basqarý júıesin jetildirip, oǵan úlken serpin beredi dep esepteımiz. Bilim, tárıbe, áleýmettik jumys jáne medıtsınalyq qyzmet jańa formatqa kóshirilip, bul salalar tabysy tómen halyqtyń qajettiligine baǵyttalady», - dedi Danııar Esın.