Danııar Esın Qaýipsizdik keńesindegi qyzmetinen bosatyldy

NUR-SULTAN. QazAqparat - Memleket basshysynyń ókimimen Danııar Nurashuly Esın Qazaqstan Respýblıkasy Qaýipsizdik keńesiniń ahýal ortalyǵynyń meńgerýshisi laýazymynan bosatyldy, dep habarlaıdy QazAqparat Aqordaǵa silteme jasap.

Danııar Nurashuly 1981 jyly 21 qańtarda Qaraǵandy oblysynda týǵan.

QR Qarjy polıtsııasy akademııasyn, Qazaqstan-Reseı ýnıversıtetin, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen.

Eńbek jolyn 1998 jyly bastaǵan. Ár jyldary Astana qalasynyń Investıtsııalar jáne damý basqarmasynda jumys istedi: basshynyń orynbasary, basshy laýazymdarynda boldy.

2016-2018 jyldary - Astana qalasynyń Din isteri basqarmasynyń basshysy.

2018-2019 jyldary Astana qalasynyń qoǵamdyq damý isteri basqarmasyn basqardy.

2019-2020 jyldary Qazaqstan Respýblıkasynyń Aqparat jáne qoǵamdyq damý vıtse-mınıstri qyzmetin atqardy.

2020-2021 jyldary «Rýhanı Jańǵyrý» qazaqstandyq qoǵamdyq damý ınstıtýty» KEAQ Basqarma tóraǵasy.

Sońǵy qyzmetine 2021 jyldyń naýryzynda taǵaıyndalǵan edi.