Danııar Eleýsinov jańa boks promoýshenimen kelisimshart jasady
ASTANA. KAZINFORM — Kásipqoı boksshy Danııar Eleýsinov (12-0, 7 KO) UFC prezıdenti Dana Ýaıt jaqynda qurǵan jańa boks promoýshenimen kelisim shart jasady.
Bul týraly qazaqstandyq All Stars Boxing promoýterlik kompanııasy jarııalady.
— Dana Ýaıttyń jańa boks promoýshenindegi alǵashqy qazaqstandyq boksshy, -
dep jazdy All Stars Boxing kompanııasy.
Ázirge qazaqstandyq boksshynyń jańa promoýshenmen qansha ýaqytqa kelisim jasasqany naqty belgisiz.
Aıta keteıik, Danııar sońǵy jekpe-jegin ótken jyly 28 qyrkúıekte Almatyda fılıppındik Djo Noınaıǵa (23-4-2, 11 KO) qarsy ótkizip, 5-raýndta tehnıkalyq nokaýtpen jeńiske jetken bolatyn.
Eske sala ketsek, Danııar 28 aqpanda Astanada «All Stars Boxing 3» kásipqoı boks keshinde sharshy alańǵa shyǵýy kerek bolǵan edi. Alaıda, sportshy densaýlyǵyna baılanysty
jekpe-jek ótkizgen joq.
Danııar Eleýsinov 2016 jylǵy Rıo Olımpıadasynyń altyn medal ıegeri. Ol 2018 jyly tanymal promoýter Eddı Hernmen kelisim jasasyp, Matchroom Boxing kompanııasy aıasynda kásipqoı reıngke shyqqan bolatyn.