Danııar Eleýsinovtyń kásibı rıngtegi kezekti qarsylasy anyqtaldy
ASTANA. QazAqparat - Qazaqstandyq boksshy Danııar Eleýsinov (1-0, 1 KO) Ulybrıtanııada ótetin jekpe-jekte ózine kimniń qarsylas bolatynyn anyqtady, dep jazady Sports.kz.
BoxRec.com portalynyń habarlaýynsha, onyń qarsylasy 30 jastaǵy Gabor Gorbıch (24-11, 14 KO) bolady. Jartylaı orta salmaqta ótetin kezdesý 6 raýndqa sozylmaq. Boksshylar 6 maýsym kúni Londondaǵy (Ulybrıtanııa) York Hall kesheninde Loýrens Okolı (8-0, 6 KO) - Lıýk Ýotkıns (13-0, 9 KO) kezdesýiniń anderkartynda ótedi.
Aıta keteıik, Danııar Eleýsinov kásibı rıngtegi alǵashqy kezdesýin 28 sáýir kúni Nıý-Iorkte (AQSh) Denıel Djeıkobs - Matseı Sýletskıdiń kezdesýiniń anderkartynda ótkizgen bolatyn. Ol 6 raýndtyq jekpe-jektiń 3-shi raýndynda amerıkalyq boksshy Noa Kıdti (3-1-1, 2 KO) tehnıkalyq nokaýtpen jeńdi.
