Danııar Eleýsinovtiń josparlary belgili boldy
ASTANA. QazAqparat - Asianboxing.info saıty Danııar Eleýsinovtiń (5-0, 3 KO) menedjeri Zııa Álıevke silteme jasap, qazaqstandyq boksshynyń jýyq aradaǵy josparlary týraly aıtty, dep habarlaıdy QazAqparat Sports.kz saıtyna silteme jasap.
«Jospar Eleýsinovtiń 2019 jyly tıtýldyq jáne on raýndtyq jekpe-jekterge almasýyn kózdeıdi. Ol aqpan nemese naýryz aıynda, sońǵy segiz raýndtyq nemese alǵashqy on raýndtyq kezdesýin ótkizedi. Aıqastyń egjeı-tegjeıi áli pysyqtalady, máselen, ótetin kúni men jerin anyqtaý qajet. Álıevtiń aıtýynsha, olardyń biri Nıý-Iorkte, ekinshisi Londonda ótedi. Kóktemgi jekpe-jekten soń Eleýsinov jazda óńirlik tıtýldar úshin aıqastar ótkizý josparlaýda. Bul týraly qańtarda nemese aqpanda jarııalanady. Árıne, on raýndyq jekpe-jek bolady jáne Álıev ol týraly Astanada jańa jylda málimdeıtin shyǵar. Eleýsinov óńirlik tıtýldy alǵan soń, álem chempıony beldikterine deıin birneshe ret jekpe-jekter ótkizýi tıis bolar. Biraq ol Danııardyń 2019 jylǵy áreketterine qaraı 2020 jylǵa deıin sozylýy múmkin», - dep jazady basylym.
