Danııar Eleýsinovtiń jekpe-jegi tikeleı efırde kórsetiledi

NUR-SULTAN. QazAqparat - «Habar» arnasy 25 mamyrda AQSh-ta ótetin kásipqoı boksshy Danııar Eleýsinovtiń jekpe-jegin tikeleı efırden kórsetedi, dep habarlaıdy QazAqparat tilshisi.

Jekpe-jek Merılend shtatynyń Okson-Hıll qalasyna ótedi. Elorda ýaqyty boıynsha aıqas ýaqyty 26 mamyrdyń tańerteńgi ýaqytyna dóp kelip tur.

Aıta ketsek, Danııar Eleýsinov (6-0, 3 KO) Golovkın-Rolls jekpe-jeginiń anderkartynda shyǵýy kerek edi. Alaıda keıin boksshynyń menedjeri Zııa Álıev Eleýsinovtiń 8 maýsymdaǵy Golovkın-Rolls anderkardyndaǵy jekpe-jegi belgisiz sebepterge baılanysty bolmaıtynyn jetkizgen.

Keıin bul máselege qatysty QR Kásipqoı boks federatsııasynyń vıtse-prezıdenti Vıktor Demıanenko pikir bildirip, Golovkın men Eleýsinov arasynda qandaı da bir túsinbeýshilik bar degenge senbeıtinin aıtqan bolatyn.

Osy jaǵdaıǵa baılanysty Danııar Eleýsinov 25 mamyrda ótetin jekpe-jegine qarsylas izdep jatqan edi. Respýblıkalyq birqatar BAQ kózderiniń habarlaýynsha, Eleýsinov meksıkalyq Mıgel De Hesýs Zamýdıo Alonso (43-12-1, 27 KO) qarsy aıqasqa shyǵady.