Danııar Eleýsinovtiń promoýteri 2018 jyldyń úzdigi atandy

ASTANA. QazAqparat - Qazaqstandyq boksshy Danııar Eleýsinovpen jumys isteıtin Matchroom Boxing promoýterlik kompanııasy WBA nusqasy boıynsha «jyl promoýteri» syılyǵyn aldy, dep habarlaıdy QazAqparat Sport.kz saıtyna silteme jasap.

«WBA ótip bara jatqan jylda boksqa qosqan úlesi úshin Matchroom Boxing brıtandyq kompanııasyn «jyl promoýteri» dep atady. Eddı Hırn basqaratyn kompanııa bıyl úlken jekpe-jekter uıymdastyryp, sport ıgiligi úshin óz-ózin keńeıtti», - dep jazylǵan Dúnıejúzilik boks qaýymdastyǵynyń (WBA) Twitter-degi resmı paraqshasynda.

Eske salaıyq, Matchroom Boxing qazaqstandyq kásipqoı boksshy, Olımpıada chempıony Danııar Eleýsinovpen jumys isteıdi. Eleýsinov sońǵy aıqasyn bıylǵy 24 qarashada Monakonyń Monte-Karlo qalasynda ótkizdi. Ol qarsylasy - nıkaragýalyq Markos Mohıkýdy úshinshi raýndty nokaýtqa jiberdi.