Danııar Eleýsinovtiń promotoýteri ekinshi jekpe-jektiń anonsyn jasamaqshy
ASTANA. QazAqparat - Qazaqstandyq boksshy Danııar Eleýsinovtyń promoýteri Eddı Hırn ekinshi jekpe-jekti qaı jerde uıymdastyratynyn naqtylady, dep xabarlaıdy QazAqparat tilshisi.
Buǵan deıin Danııar Eleýsinovtyń ekinshi jekpe-jegi Ulybrıtanııanyń London qalasynda nemese Nıýkaslda ótedi degen aqparat bolǵan. Londonda 6 maýsymda Loýrens Okolı men Lıýk Ýotkınstiń jekpe-jegi uıymdastyrylsa, Nıýkasl qalasynda 16 maýsym kúni Djosh Kellıdiń qatysýymen boks keshi ótedi. Promoýter Eddı Hırn búgin qazaqstandyq boksshynyń ekinshi jekpe-jegine qatysty aqparatty naqtylap, jaqyn arada anons jasaıtynyn jarııalady.
«Danııar Eleýsinov sııaqty jas jigitti álem chempıony ataǵyna jetkizý baqyty maǵan buıyryp otyr. Soǵan óte qýanyshtymyn. Meniń jolym boldy. Danııardyń kelesi jekpe-jegi Ulybrıtanııada maýsym aıynda ótedi. Jaqyn arada anons jasaımyn», - dep jazdy E.Hırn óziniń Týıtterdegi paraqshasynda.
Aıta keteıik, kúni keshe Danııar Eleýsinov kásibı bokstaǵy debıýtin tamasha nokaýttan bastady. Alǵashqy jekpe-jekte qazaqstandyq boksshy amerıkalyq Noa Kıdti tize búktirdi. «Men úlken tájirıbe aldym. Kásibı bokstyń, kásibı rıngtiń, kásibı qolǵaptyń ne ekenin sezindim», - deıdi D.Eleýsinov.
