Danııar Eleýsinovtiń menedjeri onyń bolashaǵynan zor úmit kútetinin aıtty
ASTANA. QazAqparat - Qazaqstandyq boksshy Danııar Eleýsinovtiń (1-0, 1 KO) menedjeri Zııa Alıev óziniń seriktesiniń bolashaǵynan zor úmit kútedi, dep habarlaıdy Sports.kz.
«Danııardyń áleýeti zor. Ol jartylaı orta salmaqtaǵy eń qaýipti ári absolıýtti chempıondardyń biri bolady. Bul anyq. Bizdiń josparymyz boıynsha, ol ekinshi nemese úshinshi jyly beldikterdiń birin jeńip alady. Danııardyń álemdegi úzdikterdiń qatarynan tabylýǵa múmkindigi zor. Ol tipti bolashaqta aty ańyzǵa aınalǵan adam bolýy da múmkin. Ol - jatqan qazyna»,-dedi Alıev UCNLive.com. saıtyna bergen suhbatynda.
6 maýsym kúni Londonda (Ulybrıtanııa) Eleýsinov óziniń kásibı rıngtegi ekinshi kezdesýin ótizedi. Onyń qarsylasy vengrııalyq Zoltan Shabo (24-11, 10 KO).
