Danııar Eleýsinovtiń kezekti qarsylasy belgili boldy
NUR-SULTAN. QazAqparat – Qazaqstandyq jartylaı orta salmaqtaǵy kásipqoı boksshy Danııar Eleýsinovtiń (10-0, 6 KO) 18 jeltoqsanda Nur-Sultanda ótetin jekpe-jegindegi qarsylasynyń esimi belgili boldy, dep habarlaıdy QazAqparat Sports.kz saıtyna silteme jasap.
Sportshynyń menedjeri Zııa Álıevtiń aıtýynsha, ol «Esi ketken» laqap atymen tanymal meksıkandyq boksshy Dante Hardon (34-7, 25 KO) bolmaq. Boksshylar IBO nusqasy boıynsha jartylaı orta salmaqtaǵy álem chempıony ataǵy úshin aıqasady.
Hardon 27 tamyzda Ulybrıtanııada ótken sońǵy jekpe-jeginde qarsylasy, jergilikti boksshy Entonı Tomlınsondy (13-1, 7 KO) nokaýtqa túsirip, IBO Inter-Continental nusqasy boıynsha jartylaı orta salmaqtaǵy chempıondyq ataqty jeńip alǵan. Eleýsinov bolsa, sońǵy ret 2020 jyldyń qarasha aıynda AQSh-ta ótken judyryqtasýynda burynǵy álem chempıony Djýlıýs Indongony (23-4, 12 KO) merziminen buryn jeńip, IBF Inter-Continental tıtýlyna ıe bolǵan.
Eske salsaq, 18 jeltoqsan kúni Nur-Sultan qalasynda el Táýelsizdiginiń 30 jyldyǵyna arnalǵan kásipqoı boks keshi ótedi.