Danııar Eleýsinovtiń kezekti aıqasy tikeleı efırde kórsetiledi

ASTANA. QazAqparat - Qazaqstandyq kásipqoı boksshy Danııar Eleýsinovtiń (4-0, 2 KO) besinshi jekpe-jegin «Habar» arnasy tikeleı efırde kórsetedi,  dep habarlaıdy QazAqparat tilshisi.

Bul týraly atalǵan telearnanyń resmı saıty málim etti.

Atalǵan habarlamada «Monakodan tikeleı kórsetilimdi «Habar» arnasy kórsetedi. 24 qarasha kúni saǵat 01:00-de sharshy alańdaǵy tartysty kezdesýdi ótkizip almańyzdar!», - dep jazylǵan.

Qazaqstandyq boksshynyń qarsylasy - nıkaragýalyq Markos Mohıka (16-2-2, 12 KO).

Jekpe-jek segiz raýndtan turady. Eleýsinovtyń buǵan deıingi tórt jekpe-jegi de alty raýndtan bolǵan.

Eleýsinov - Mohıka jekpe-jegi qarashanyń 24-nen 25-ne qaraǵan túni «Kazıno de Monte-Karlodaǵy» boks keshinde bolady. Bul keshtiń basty jekpe-jeginde alǵashqy aýyr salmaqtaǵy burynǵy álem chempıony reseılik Denıs Lebedev (31-2, 23 KO) amerıkalyq Maık Ýılsonmen (19-0, 8 KO) judyryqtasady.

Eske sala keteıik, Danııar Eleýsinov 20 qazanda Bostondaǵy (AQSh) TD Garden arenada amerıkandyq boksshy Mett Doertımen (8-6-1, 4 KO) kezdesip, qarsylasyn birinshi raýndta tehnıkalyq nokaýtpen jeńgen bolatyn.