Danııar Eleýsinovtiń kelesi jekpe-jegi qashan jáne qaıda ótedi

ASTANA. QazAqparat - Olımpıada chempıony Danııar Eleýsinovtiń menedjeri Zııa Alıev boksshynyń kelesi jekpe-jegi qashan jáne qaıda ótetinin málimdedi, dep habarlaıdy QazAqparat Sports.kz-ke silteme jasap.

«Danııar kelesi jekpe-jegin 20 qazan kúni Bostonda ótkizedi. Qazir biz promoýterdiń osy kúndi bekitýin kútip otyrmyz, biraq onyń qarsylasy Reı Moılett bolmaıdy. Danııarǵa kim qarsylas bolatyny áli belgisiz», - deıdi maman.

Danııar Eleýsinov pen Reı Moılett 2008 jyly Meksıkada ótken jasóspirimder arasyndaǵy álem chempıonatynda kezdesken bolatyn. Sol kezde jeńis ırlandııalyq boksshynyń qorjynynda ketken.

Eske sala keteıik, qazaqstandyq boksshy ústimizdegi jyldyń sáýirinde kásipqoı boksqa almasty, al Moılett byltyrǵy naýryz aıynan beri kásipqoı boksta júr.