Danııar Eleýsinovtiń kelesi kezdesýi ótetin kún belgili boldy
ASTANA. QazAqparat - Qazaqstandyq kásipqoı boksshy Danııar Eleýsinov (3-0, 1 KO) Instagram paraqshasynda kelesi jekpe-jegi shamamen qaı kúni ótetinin aıtty, dep habarlaıdy Sports.kz.
«Kelesi jekpe-jek qazan aıyna josparlanǵan», - dep jazdy boksshy.
Eske sala keteıik, jerlesimiz 4 tamyz kúni Kardıfftegi (Ýels) Ice Arena Wales arenasynda ótken boks keshinde majarstandyq Gabor Gorbıchti (24-12, 14 KO) jeńgen bolatyn. Tóreshiler alty raýndtyń barlyǵynda qazaqstandyq boksshynyń upaıy sany basym bolǵanyn kórsetti: 60-54. Degenmen Danııar jekpe-jek qorytyndysyna kóńili tolmaı, kezdesýdi merziminen buryn aıaqtaýdy josparlaǵanyn bildirgen.
Sodan keıin Eleýsinovtiń BoxRec.com saıtyndaǵy reıtıngi sharyqtap, birden 75 saty joǵarylady.
