Danııar Eleýsinovtiń kelesi qarsylasy anyqtaldy

ASTANA. QazAqparat - Qazaqstandyq boksshy Danııar Eleýsinovtiń besinshi jekpe-jeginde qarsylasy anyqtaldy, dep habarlaıdy «SPORTINFORM» SAA.

Matchroom promoýterlik kompanııasy Danııardyń qarsylasy nıkaragýandyq boksshy 33 jastaǵy Markos Mohıka (16-2-2, 12 KO) bolatyndyǵyn jarııalady.

Aıta keteıik, 27 jastaǵy Eleýsinovtiń múddesin qorǵaıtyn Matchroom Boxing promoýterlik kompanııasy onyń kásibı bokstaǵy besinshi jekpe-jeginiń qashan jáne qaıda ótetinin jarııalaǵan bolatyn.

21 qazanda Danııar Eleýsinov jartylaı orta salmaqtaǵy tórtinshi jeńisine qol jetkizdi. Bul Danııardyń álemdik reıtıngte birshama joǵary kóterilýine jol ashty.