Danııar Eleýsinovtiń kelesi qarsylasy anyqtaldy

ASTANA. QazAqparat - Qazaqstandyq kásipqoı boksshy, Rıo-de-Janeıro Olımpıadasynyń chempıony Danııar Eleýsinov (3-0, 1KO) kelesi jekpe-jegin amerıkalyq Mett Dogertıge (8-5-1, 4KO) qarsy ótkizedi. Bul týraly VKontakte áleýmettik jelisinde «Qazaqstan kásipqoı boksy» akkaýntyndajazyldy, dep habarlaıdy QazAqparat.

Eleýsinovtiń aldaǵy kezdesýi 20 qazan kúni Amerıkanyń Boston qalasynda ótedi. Boksshynyń menedjeri Zııa Álıevtiń aıtýynsha, oǵan 30 jastaǵy amerıkalyq boksshy, «Dáýit» atalǵan Mett Dogertı qarsylas bolady. Keshtiń basty aıqasy Bıllı Djo Sonders pen Demetrıýs Endreıd arasynda ótedi. Alaıda, qyrkúıek aıynyń sońynda dopıng-synamalardyń birinde Sondersten oksılofrın tabylǵan edi. Іs boıynsha otyrys Massachýsets shtatynyń Atletıka komıssııasynda ótýi tıis.

Eske salaıyq, Danııar Eleýsinov bıylǵy 4 tamyzda ótken jekpe-jekte vengrııalyq Gabor Gorbıchti upaı sany boıynsha aıqyn basymdyqpen jeńgen bolatyn. Bul jeńisten keıin qazaqstandyq boksshynyń BoxRec.com tanymal saıtyndaǵy reıtıngi birden 75 satyǵa joǵarylady.

Boksshynyń 2018 jyldyń 24 qarashasyna josparlanǵan jekpe-jegi týraly myna jerden kórýge bolady.