Danııar Eleýsinovtiń AQSh-taǵy bapkeri belgili boldy
ASTANA. QazAqparat - Bokstan olımpıada chempıony Danııar Eleýsinovti Amerıkada ákesi Marat Eleýsinov jattyqtyratyn boldy, dep jazady Sports.kz boksshymen kelisimshart jasasqan Boxing Star menedjerlik kompanııasynyń atqarýshy dırektory Zııa Alıevke silteme jasap.
«Danııar Eleýsinovti AQSh-ta ákesi baptaıdy. Bapkerdiń kómekshisi de bolady, onyń esimin jýyq kúnderde jarııalaımyz», - deıdi Z. Alıev.
Onyń aıtýynsha, Danııar Nıý-Iorkte ákesimen birge turatyn bolady. Qazir jattyǵý zaly, Marat Eleýsinovke kómekshi bapkerdiń olarǵa qosylýy jóninde kelissózder ótýde. Olar Nıý-Djersı nemese Brýklınge turaqtaýy múmkin. Al qazir boksshyǵa vıza resimdeý jumystary júrip jatyr.
Eske sala keteıik, budan buryn qazaqstandyq bylǵary qolǵap sheberiniń ákesi kásipqoı boksqa aýysqan ulynyń "talabyn qaıtarǵysy kelmeıtinin" aıtqan bolatyn.
