Danııar Eleýsinovke Astana qalaı jankúıerlik etti
ASTANA. QazAqparat - Olımpıada fınalyndaǵy Danııar Eleýsinovtiń jekpe-jegin tamashalaý úshin barsha Astana uıyqtaǵan joq, eń belsendileri elordadaǵy sportbarlardyń birine jınaldy.
Danııardy qoldaýǵa sportshylar, boks jankúıerleri keldi. Árbir soqqy saıyn, raýnd sońyndaǵy esep qylań bergen saıyn olardyń qýanyshtary ishterine syımaı jatty. «Qazaqstan! Qazaqstan!» dep urandaǵan jurt, raýnd arasyndaǵy úzilisterde «Iá, solaı, ıá, solaı! Qazaq eli osyndaı» atty tanymal óleńdi birge shyrqady.
Erasyl, jankúıer: «Ádemi jekpe-jek, taza jeńis! Qarsylas myqty, biraq Danııar bir bas joǵary boldy! Ol búgin qazaq boksynyń keremet úlgisin kórsetti! Onyń bapkerlerin, qazaq elin osy jeńispen quttyqtaımyn!».
Erjan, jankúıer: «Árıne, Danııarmen maqtanamyz! Ol naǵyz er! Osy salmaqta bizge teń keler eshkim joq ekenin tanytty. Elimizdiń baıraǵyn joǵary kóterip, atyn dańqty etti. Barlyqtaryńyzdy quttyqaımyn, Rıoda Ádilbekke, Vanıaǵa jáne Darıǵaǵa (Ádilbek Nııazymbetov, Ivan Dychko jáne Darıǵa Shákimova - red.) barlyqtarymyz jankúıerlik eteıik! Jeńisterine senemiz!».
Aıta keteıik, 18-nen 19-na qaraǵan túni Ádilbek Nııazymbetov fınaldyq kezdesýde kýbalyq Hýlıo La Krýzben kúsh synasady. Jekpe-jek Astana ýaqytymen 00:30-da bastalady. Elordalyq jankúıerler Ádilbektiń kezdesýin Nur Jol býlvarynda ornalasqan alyp ekrannan tamashalaı alady.
