Danııar Eleýsinov jekpe-jek aldynda málimdeme jasady

ASTANA. QazAqparat - Qazaqstandyq jartylaı orta salmaqtaǵy boksshy Danııar Eleýsinov (3-0? 1 KO) boks jankúıerleriniń ne úshin onyń kásibı rıngtegi aıqastaryn tamashalaýǵa tıis ekenin túsindirdi, dep habarlaıdy Sports.kz. 

Aldaǵy demalys kúnderi otandyq boksshy AQSh-ta ekinshi aıqasyn ótkizedi. Bostonda (Massachýsets shtaty) ol jergilikti sportshy Mett Doertımen (8-5-1, 4 KO) kezdesedi. Eleýsinov 24 qarashada Monakoda rıngke oralýdy josparlap otyr.

«Jankúıerler men ádemi boks kórsetetinim úshin maǵan jankúıerlik etýleri tıis dep oılaımyn. Ádemi boks jankúıerlerine - marhabat!», - dedi Eleýsinov.

Aıta keteıik, 27 jastaǵy Eleýsinovtiń múddesin qorǵaıtyn Matchroom Boxing promoýterlik kompanııasy onyń kásibı bokstaǵy besinshi jekpe-jeginiń qashan jáne qaıda ótetinin de jarııalaǵan bolatyn. Onyń qarsylasy ázirge belgisiz.

Eske salaıyq, Danııar Eleýsinov bıylǵy 4 tamyzda ótken jekpe-jekte vengrııalyq Gabor Gorbıchti (26-13, 16KO) upaı sanymen jeńgen bolatyn. Budan keıin qazaqstandyq boksshynyń BoxRec.com tanymal saıtyndaǵy reıtıngi birden 75 satyǵa joǵarylady.