Danııar Eleýsinov jekpe-jegi aldynda jýrnalıstermen kezdesti

ASTANA. QazAqparat - Qazaqstandyq boksshy Danııar Eleýsinov (3-0, 1 KO) Bostonda ótetin amerıkalyq Mett Doertımen (8-5-1, 4 KO) jekpe-jegi aldynda baspasóz máslıhatyna qatysty, dep habarlaıdy Sports.kz.

«Maǵan Boston unaıdy - óte jaqsy qala, adamdary da jyly shyraıly. Munda aıqasý - men úshin abyroı. Amerıkada kóbirek bokstasqandy qalaımyn, sebebi AQSh - «bokstyń Mekkesi». Djon Devıd Djekson - chempıondardy daıyndaǵan bapker, ózi de kezinde chempıon bolǵan. Men onyń qamqorlyǵynda boksymdy aıtarlyqtaı alǵa jyljyttym. Ol ne isteý kerektigin biledi», - dedi Eleýsinov.

Danııar Eleýsinovtiń aıqasy Bostondaǵy TD Garden arenasynda (AQSh, Massachýsets shtaty) 21 qazan kúni tańerteń ótedi. Qazaqstanda ony «Habar» arnasy tikeleı efırden kórsetedi. Bastalýy Astana ýaqytymen 06:00-de.

Aıta keteıik, 27 jastaǵy Eleýsinovtiń múddesin qorǵaıtyn Matchroom Boxing promoýterlik kompanııasy onyń kásibı bokstaǵy besinshi jekpe-jeginiń qashan jáne qaıda ótetinin de jarııalaǵan bolatyn. Onyń qarsylasy ázirge belgisiz.

Danııar Eleýsinov bıylǵy 4 tamyzda ótken jekpe-jekte vengrııalyq Gabor Gorbıchti (26-13, 16KO) upaı sanymen jeńgen bolatyn. Budan keıin qazaqstandyq boksshynyń BoxRec.com tanymal saıtyndaǵy reıtıngi birden 75 satyǵa joǵarylady.