Danııar Eleýsinov jazda elimizde 10 raýndtyq kezdesý ótkizedi
Bul týraly Lodondaǵy Olımpıada chempıony Open Ring YouTube-jobasyna bergen suhbatynda aıtty.
Eleýsinovtiń sózinshe, bul óńirlik beldikterdiń biri úshin bolatyn tıtýldy tartys bolýy tıis. Sonymen qatar Danııardyń kelesi kezdesýi 10 raýndqa esepteledi. Alaıda qazaqstandyq sportshynyń qaı qalada judyryqtasatyny ázirge belgisizi. Anyǵy - bul Astana nemese Almaty qalasy bolady.
«Kelesi kezdesý 10 raýndtan turatyn bolady. Biz Qazaqstanda kezdesý ótkizemiz be degen máselege keletin bolsaq, ıa biz ony uıymdastyramyz. Biz buny osy ýaqytqa deın qupııa ustap keldik. Biraq bul aqparat osy kezde qalyń kópshilikke tarap ketken sııaqty. Sondyqtan aıta bergen jón shyǵar. Biz jazda Qazaqstanda kezdesý ótkizemiz. Bul tıtýldy jekpe-jek bolady. Bálkim, óńirlik bolatyn shyǵar»,-dep oıymen bólisti Eleýsinov.
Aıta keteıik, qarashanyń sońynda Eleýsinov nıkaragýalyq Markos Mohıkýdy nokaýtqa jiberip, óziniń kásibı rıngtegi 5-shi kezdesýinde jeńiske jetti.