Danııar Eleýsinov WBC eks-chempıonyn nokaýtqa túsirdi

FINIKS. QazAqparat – Qazaqstandyq kásibı boksshy Danııar Eleýsinov Fınıkste (AQSh, Arızona) amerıkalyq Alan Sanchespen bolǵan aıqasta jeńiske jetti, dep habarlaıdy QazAqparat Olympic.kz-ke silteme jasap.

Jekpe-jek 10 raýndqa eseptelgen. Qos qarsylas Denıel Djeıkobs (35-3, 29 KO) pen kishi Hýlıo Sezar Chaves arasyndaǵy aıqastyń anderkardynda judyryqtasty.

Aıqastyń bas jaǵynda, urymtal sátterdiń birinde qazaqstandyq qatty soqqy jasap, qarsylasynyń sol kózi jaraqattandy. Tóreshi besinshi raýndta jekpe-jekti toqtatyp, Eleýsinovtyń tehnıkalyq nokaýtpen jeńgendigin jarııalady.

Eske sala ketsek, Danııar Eleýsinov 2016 jylǵy Rıoda bolǵan Olımpıadada «altyn» enshilegen edi.