Danııar Eleýsinov úshinshi jekpe-jegine qalaı daıyndalyp jatyr

ASTANA. QazAqparat - Matchroom Boxing promoýterlik kompanııanyń tvıtterinde qazaqstandyq boksshy Danııar Eleýsinovtiń (2-0, 1 KO) kelesi jekpe-jekke daıyndyǵy týraly vıdeo jarııalandy, dep habarlaıdy Sports.kz.

«Qazaqstandyq Olımpıada chempıony Danııar Eleýsinov osy senbide Ice Arena Wales jeńiske jetýdi maqsat etedi», - dep jazylǵan jarııalanǵan vıdeoda.

Kazakh Olympic Gold Medal hero Daniyar Yeleussinov looks to go 3-0 @IceArenaWales this Saturday 🇰🇿 #JDNXTGEN pic.twitter.com/CiQXi9qq6k

— Matchroom Boxing (@MatchroomBoxing) 1 avgýsta 2018 g.

Eske salaıyq, Danııar Eleýsinov 4 tamyz kúni Kardıffte Gabor Gorbıchpen judyryqtasady. 

30 jastaǵy vengr boksshysy Gabor Gorbıch (24-11, 14 KO) Eleýsinovpen Londonda 6 shilde kúni kezdesýi tıis bolatyn. Alaıda Gorbıchtiń qabaǵynyń jarylýyna baılanysty jekpe-jek ótpedi. Biraq ol jaraqatynan aıyqqannan keıin qazaqstandyq qarsylasymen kezdesýge ýáde etken edi. 6 shilde kúni Londondaǵy York Hall kesheninde Danııar Vengrııanyń ózge boksshysy Zoltan Shabomen (24-12, 10 KO) kezdesken edi. Aıqas tóreshilerdiń biraýyzdy sheshimimen otandasymyzdyń senimdi jeńisimen aıaqtaldy.