Danııar Eleýsinov týraly fılm jaryq kórdi

NUR-SULTAN. QazAqparat – Brıtandyq Matchroom Boxing promoýterlik kompanııasy jeńilip kórmegen qazaqstandyq boksshy Danııar Eleýsinov (9-0, 5 KO) týraly beınesıýjet jarııalady, dep habarlaıdy QazAqparat Sports.kz-ke silteme jasap.

Fılmde Eleýsinovtiń kásibı mansabyn bastaǵan kezi, odan keıingi damýy jáne jekpe-jektiń syrtyndaǵy sátter kórsetilgen.

Aıta ketsek, Danııar koronavırýs pandemııasyna baılanysty AQSh-ta karantın jarııalanǵandyqtan Boınton-Bıchte (Florıda shtaty) qalyp qoıdy. Sońǵy málimet boıynsha, AQSh-ta COVID-19 juqtyrǵan 960 896 adam tirkelgen (qaıtys bolǵandar - 54 265, jazylyp shyqqandar – 118 162).

Eleýsinovtiń kásibı mansabyna keler bolsaq, ol kelesi jekpe-jegin burynǵy álem chempıony, namıbııalyq boksshy Djýlıýs Indongoǵa (23-2, 12 KO) qarsy ótkizýi kerek.

Eske sala ketsek, Matchroom Boxing kompanııasyn taǵy bir qazaqstandyq boksshy Gennadıı Golovkınmen (40-1-1, 35 KO) jumys isteıdi. Bul kompanııany Eddı Hırn basqarady.