Danııar Eleýsinov tıtýldyq jekpe-jekten keıin IBF reıtıngine endi

NUR-SULTAN. QazAqparat – Halyqaralyq boks federatsııasy (IBF) ártúrli salmaq kategorııasyndaǵy úzdik boksshylardyń jańartylǵan reıtıngin jarııalady, dep habarlaıdy QazAqparat Sports.kz saıtyna silteme jasap.

Jartylaı orta salmaqta IBF reıtıngine qazaqstandyq bylǵary qolǵap sheberi Danııar Eleýsinov (10-0, 6 KO) endi. Eske sala keteıik, bıylǵy qarasha aıynyń sońynda D.Eleýsinov ekinshi raýndta Djýlıýso Indongony (23-3, 12 KO) tehnıkalyq nokaýtpen jeńip, IBF Inter-Continental chempıony vakantty belbeýiniń ıegeri atandy. Osy jeńisinen keıin ol reıtıngide 9-oryndy ıelendi.

Aıta keteıik, bul Danııar Eleýsinovtiń kásibı mansabyndaǵy alǵashqy tıtýldyq jekpe-jegi bolatyn. Buǵan deıin qazaqstandyq boksshynyń promoýteri Eddı Hırn Danııardy sharshy alańda amerıkalyq nokaýter Vırdjıl Ortıske (16-0, 16 KO) qarsy kórgisi keletinin aıtty.