Danııar Eleýsinov rıngke qashan shyǵatyny jarııalandy
NUR-SULTAN. QazAqparat – Qazaqstandyq kásipqoı boksshy Danııar Eleýsinovtiń (9-0, 5 KO) kelesi jekpe-jeginiń datasy anyqtaldy, dep habarlaıdy QazAqparat tilshisi.
«27 qarasha, Florıda, Gollıvýd. «Hard Rok» kazınosynda boks keshi ótedi. Qudaı qalasa sol keshte men de óner kórsetetin bolamyn», - dep jazdy boksshy Instagram-daǵy paraqshasynda.
Qazaqstandyq sportshynyń kezekti aıqasy týraly onyń menedjeri Zııa Álıev te Instagram-da anons jasady.
Málim bolǵandaı, Danııar Eleýsinovtiń qarsylasy – WBA Super, IBF jáne IBO nusqalary boıynsha birinshi orta salmaqtaǵy álemniń burynǵy chempıony, namıbııalyq Djýlıýs Indongo (23-2, 12 KO).
Boks keshi Gollıvýdtaǵy (AQSh, shtat Florıda) Seminole Hard Rock Hotel and Casino arenasynda ótetini buǵan deıin habarlanǵan bolatyn.
Aıta keteıik, Eleýsinov-Indıgo jekpe-jegi sáýir aıynda uıymdastyrylýy tıis edi. Alaıda, pandemııaǵa baılanysty keıinge shegerildi.
Danııar sońǵy jekpe-jegin ótken jyldyń jeltoqsanynda ótkizdi. Ol amerıkalyq Alan Sanchesti (20-5-1, 10 KO) besinshi raýndta tehnıkalyq nokaýtpen jeńdi.
