Danııar Eleýsinov nelikten oń qolymen soqqy bere almady

ASTANA. QazAqparat - Rıo olımpıada chempıony Danııar Eleýsinovtiń kásibı bokstaǵy isimen aınalysatyn amerıkalyq menedjerlik kompanııanyń basshysy Zııa Alıev Sports.kz-ke qazaqstandyqtyń sońǵy aıqasta oń qolyn kóp qoldanbaǵany týraly qupııasyn ashty.

«Danııar Bostondaǵy shoýdan keıin qolyn aýyrtyp alǵan. Biz keıin onyń jeńil jaraqat alǵanyn túsindik. Sondyqtan boksshy sparrıngterdi kesh bastady - biz táýekelge barǵan joqpyz. Bapkerimen bárin talqyladyq. Monakodaǵy aıqas kezinde Danııar oń qolynyń aýyryp turǵanyn sezip, sol qolyna basymdyq bergen.

Biz, Danııar Eleýsinovtiń menedjmenti, Eddı Hırnmen boksshymen on raýndtyq jekpe-jek ótkizý múmkindigin talqyladyq. Sondyqtan, kelesi jyldan bastap Danııar 10 raýndtyq aıqastar ótkizýdi bastaıdy», - dep bólisti menedjer.