Danııar Eleýsinov meksıkalyq boksshymen jekpe-jek aldynda salmaq ólshedi

ASTANA. QazAqparat - Qazaqstandyq Olımpıada chempıony Danııar Eleýsinov pen meksıkalyq Sılverıo Ortıs jekpe-jek aldynda salmaq ólshý rásiminen ótti, dep habarlaıdy QazAqparat Qazaqstan boks federatsııasyna silteme jasap.

Qazaqstandyq salmaq ólsheý rásiminiń qorytyndysy boıynsha qarsylasynan jeńil bolyp shyqty - onyń salmaǵy 148,2 fýnt bolsa, S.Ortıstiki - 150,7.

Bul - 2016 jylǵy Olımpıada chempıonynyń kásibı mansabyndaǵy altynshy aıqasy. Buǵan deıingi bes jekpe-jekte jeńiske jetse, úsheýinde qarsylasyn nokaýtqa túsirgen. S.Ortıstiń tájirıbesi kóbirek - ol kásibı rıngte 37 aıqas ótkizgen. Onyń 23-inde jeńilis tapqan. Biraq, meksıkalyq 18 jekpe-jekti merziminen buryn aıaqtady.

Eleýsinov-Ortıs aıqasy Fıladelfııada (AQSh, Pensılvanııa shtaty) Liacouras Center arenasyndaǵy boks keshiniń anderkartynda segiz raýndqa sozylady dep josparlanyp otyr. Basty boks keshinde jartylaı jeńil salmaqtaǵy IBF chempıony, amerıkalyq Tevın Farmer (28-4-1, 6KO) men ırlandyq Djono Kerroll (16-0-1, 3KO) judyryqtasady.

Shoýdy Gennadıı Golovkın taıaýda ǵana kelisimshart jasaǵan DAZN strımıngtik servısi translıatsııalaıdy. Bul aıqasty 16 naýryz kúni Astana ýaqytymen 06:00-de «Habar» telearnasynan tikeleı efırden tamashalaýǵa bolady.