Danııar Eleýsinov Londondaǵy aıqasqa daıyndalýda
ASTANA. QazAqprat - Qazaqstandyq boksshy Danııar Eleýsinov (1-0, 1 KO) óziniń alda Ulybrıtanııada bolatyn debıýti jaıynda aıtty, dep jazady Sports.kz.
6 maýsymda ol Londondaǵy York Hall oıyn-saýyq kesheninde rıngke shyǵady. 6 raýndqa sozylatyn aıqasta Danııardyń qarsylasy vengerlik Gabor Gorbıch (24-11, 14 KO) bolmaq.
«Men Londonǵa kelgenime qýanyshtymyn, degenmen qatty qobaljýdamyn. Óıtkeni olardyń fanattary aldynda rıngke shyqqaly otyrmyn. York Hall kesheninde ótetin aıqastar jaıly kóp estidim. Osynda ózimniń shoýymdy kórsetýdi asyǵa kútýdemin», - dedi ol.
Eske sala ketsek, Danııar profıge alǵash ret 28 sáýirde Denıel Djeıkobs - Matseı Sýletskı anderkardynda rıngke shyqqan edi. Onda amerıkalyq Denıel Djeıkobs - Matseı Sýletskıdi úshinshi raýndta sulatyp salǵan.
