Danııar Eleýsinov kelesi jekpe-jegine daıyndalyp jatyr

NUR-SULTAN. QazAqparat - Qazaqstandyq jartylaı orta salmaqtaǵy kásipqoı boksshy Danııar Eleýsinov (6-0, 3 KO) rıngke oralýǵa daıynalyp jatyr, dep habarlaıdy Sports.kz.

369 Agency tvıtter-akkaýnty habarlaǵandaı, 2016 jylǵy Olımpıada chempıony Florıda shtaty Maıamı qalasynda 5th Street Gym zalynda jattyǵýda. Danııardyń sparrıng-qarsylastarynyń biri - taǵy bir qazaqstandyq Sergeı Karbıvnychıı. Ol da kásibı rıngtegi debıýtine AQSh-ta daıyndalyp júr.

Eleýsinovtiń kelesi aıqasy 8 maýsymda Nıý-Iorkte ótedi. Ol Gennadıı Golovkın (38-1-1, 34 KO) - Stıv Rolls (19-0, 10 KO) boks keshiniń anderkardynda rıngke shyǵýdy josparlap otyr. Onyń qarsylasy keıinirek belgili bolady.