Danııar Eleýsinov Qazaqstannyń bas shyrshasynyń shamdaryn jaqty

«Týra bir aıdan soń eski jylmen qoshtasyp, jańa jylǵa qadam basamyz. Bıylǵy jyl elimiz úshin, ásirese el sporty úshin úlken, iri jeńisterge toly boldy. Jaqynda ótken bokstan álem chempıonatynda qazaq boksshylary tamasha tabysqa jetip, elimizdi qýantty. Qazirgi kúnde el sportshylaryn búkil álem tanıdy, qurmetteıdi. Munyń bári el sportyna óziniń erekshe kóńilin bólip, qoldaý kórsetip júrgen Prezıdentimizdiń arqasy. Olaı bolsa, kele jatqan 2014 jyl úlken tabystar men jeńister ákelsin. Jańa jylda barsha qazaqstandyqtardyń otbasylaryna shattyq pen bereke tileımin!» - dedi D. Eleýsinov.

Shyrshaǵa jınalǵan Astana turǵyndary men qonaqtarynyń nazaryna «Ýaqyt bıleýshileri» atty merekelik baǵdarlama usynyldy. Sahna ertegidegi orasan zor saǵat sııaqty bezendirilip, onyń ortasyna úlken shyrsha tigildi. Shyrshanyń shamdary janǵan kezde, úlken saǵat ta iske qosyldy.
Mereke odan ári otshashýmen jáne bı flesh-mobymen jalǵasyn tapty. Marjan Arapbaeva, Medet Shaıkelov jáne Rústem Júginisov syndy ánshiler «Sport, sport, sport!» ánin shyrqap, kórermenderdiń kóńilin kóterdi. Sondaı-aq, breık-danstan jeńimpaz komanda, «Shashý» ansambli, «Aınalaıyn» balalar hory án aıtyp, bı bılep, sharany naǵyz merekege ulastyrdy.