Danııar Eleýsinov kásipqoı boksqa qashan ketetindigin aıtty
ASTANA. QazAqparat - Rıo Olımpıadasynyń chempıony Danııar Eleýsinov Astanada Boks kúnine arnalǵan sharada óziniń áriptesterin quttyqtap, aldaǵy josparymen bólisti, dep habarlaıdy «QazAqparat» HAA tilshisi.
«Barlyq sportshylardy Boks kúnimen shyn júrekten quttyqtaımyn. Barlyqtaryńyz Olımpıada men Álem chempıonattarynda top jaryp, jeńis tuǵyryna kóterilýlerińizge tilektespin», - dedi boksshy.
Óziniń josparymen bólise kele, Danııar Eleýsinov daıyndyǵy týraly aıtyp berdi.
«Meniń sharshy alańǵa shyqpaǵanyma birshama ýaqyt bolyp qaldy. Eki nemese úsh chempıonatqa qatysyp, kelesi jyly shetelge shyqsam deımin», - deıdi Rıo Olımpıadasynyń chempıony.
Sonymen birge, boksshy kásipqoı boksqa kóshý týraly suraqqa da jaýap berdi.
«Qazirgi ýaqytta maǵan biraz usynystar kelip túsip jatyr. Biraq áýesqoı boksqa qaıtyp oralǵandyqtan, ol usynystardyń barlyǵyn qarap jatqan joqpyn. Menińshe, bul usynystardy ekinshi josparǵa qaldyra tursam deımin. Aýysyp jatsam, ol týraly aıtatyn bolamyn», - deıdi Eleýsinov.
Sonymen qatar, boksshy Gennadıı Golovkın men Saýl Alvarestiń kezdesýine qatysty pikirin bildirdi.
«Olar óte myqty jigitter, laıyqty qarsylastar. Óz salmaǵyndaǵy úzdik boksshylar. Sondyqtan olardyń aıqasynan alǵashqysyndaı ádemi boksty kútemiz. Meniń oıymsha, ekeýi kelesi kezdesýinde táýekelge barýdy jıiletip, nogdaýn nemese nokaýtqa den qoıa túsetin sekildi. Golovkın birinshi kezdesýinde keremet óner kórsetti. Biraq qarsylasy da osal emes. Alvarestiń qorǵanysy da, shabýyly da myqty. Biz álbette, óz jerlesimiz úshin taqym qysamyz», - deıdi sportshy.
