Danııar Eleýsinov: Kásibı rıngtiń ne ekenin sezindim
ASTANA. QazAqparat - Qazaqstandyq boksshy Danııar Eleýsinovtiń youtube arnasynda kásibı bokstaǵy alǵashqy jeńisinen keıingi bergen shaǵyn suhbaty jarııalandy, dep habarlaıdy QazAqparat tilshisi.
Boksshynyń suhbaty «Real Fight» atty youtube arnada jarııalanǵan. Onda tilshiniń suraǵyna jaýap bergen Danııar Eleýsinov óziniń kezdesýden keıingi áserimen de bólise ketti.
«Zor tájirıbe aldym. Kásibı bokstyń, kásibı rıngtiń, kásibı qolǵaptyń ne ekenin sezindim», - deıdi boksshy.
«Qazaq jankúıerleri seni daýystap qoldap jatqanda ne sezindiń?» degen suraqqa boksshy kelesideı jaýap berdi.
«Ózimniń týǵan tilimdegi sózderdi estidim. Qoldaýdy sezindim. Rıngte bári estilip turdy. Qazaq tilinde de, orys tilinde de qoldaý bildirip, aıǵaılap jatqandar boldy», - deıdi Danııar Eleýsinov.
Eske sala ketsek, kásibı boksqa qadam basqan Danııar Eleýsinov alǵashqy aıqasta jeńiske jetti. Danııar Eleýsinovtiń amerıkalyq boksshy Noa Kıddqa qarsy jekpe-jegi Denıel Djeıkobs pen Matseı Sýletskı arasyndaǵy aıqastyń anderkartynda Nıý-Iorktegi Barclays Center arenasynda ótti. Alty raýndqa eseptelgen jekpe-jektiń úshinshi kezeńinde qazaqstandyq boksshy tehnıkalyq nokaýtpen jeńiske jetti. Sóıtip Danııar óziniń kásibı bokstaǵy birinshi jeńisin toılady.
