Danııar Eleýsinov qarsylasyn qalaı baǵalaıtynyn aıtty

ASTANA. QazAqparat - Astanadaǵy Ortalyq kommýnıkatsııalar qyzmetinde Monakodan jeli arqyly tikeleı qosylǵan qazaqstandyq kásipqoı boksshy Danııar Eleýsinov otandastaryna sálem joldady, dep habarlaıdy QazAqparat tilshisi.

«Maıamıde daıyndyq óte keremet ótti. Ózimniń osyǵan deıingi ekinshi aıqasym da sol jerde daıyndaǵan bolatynmyn. Qazirgi osy jekpe-jekke de Maıamıde daıyndaldym. Bári oıdaǵydaı. Babymdamyn. Tek sońǵy kúnderi salmaq qýyp júrip jatyrmyz», - dedi Danııar Eleýsinov.

Boksshy óziniń qarsylasynyń óte tájirıbeli ári myqty ekenin atap ótti.  

«Jalpy, Ońtústik Amerıkanyń barlyq boksshylary da osal emesin bilemin. Ol 33 jasta. Rıngte aıtarlyqtaı kóp kezdesý ótkizgen. Meniń oıymsha, jas aralyǵy kásipqoı boksta asa kóp yqpal etpeıdi. Sońǵy kúnderi terleýge týra keldi. Qazir salmaq ólsheý rásimin kútip otyrmyn. Salmaq qýǵandyqtan, óte ash ekenimdi aıtqym keledi. Alaıda shydaýǵa bolady. Bir saǵattan keıin salmaq ólsheý rásimi bastalady. Jankúıerlerimen, jerlesterime rahmet aıtqym keledi. Qaı ýaqytta bolmasyn, teledıdar aldynda meni kútip otyrǵan jankúıerlerdiń qoldaýyn sezemin», - dedi Danııar Eleýsinov.

Eske sala ketsek, qazaqstandyq kásipqoı boksshy Danııar Eleýsinovtiń (4-0, 2 KO) besinshi jekpe-jegin «Habar» arnasy erteń saǵat 01:00 kezinde tikeleı efırden kórsetedi. Qazaqstandyq boksshynyń qarsylasy - nıkaragýalyq Markos Mohıka (16-2-2, 12 KO). Jekpe-jek segiz raýndtan turady. Eleýsinovtyń buǵan deıingi tórt jekpe-jegi de alty raýndtan bolǵan.