Danııar Eleýsinov IBF tıtýlymen resmı túrde marapattaldy

NUR-SULTAN. QazAqparat – Qazaqstandyq boksshy Danııar Eleýsinov (10-0, 6 KO) jartylaı orta salmaqtaǵy IBF Intercontinental chempıony tıtýlymen resmı túrde marapattaldy, dep habarlaıdy QazAqparat Sports.kz saıtyna silteme jasap.

«Qurmetti Danııar Eleýsinuly! IBF sizdi jartylaı orta salmaqtaǵy Intercontinental tıtýlymen marapattaý qurmetine ıe. 2020 jyldyń 27 qarashasynda Florıda shtatynyń Gollıvýd qalasynda Djýlıýs Indongony jeńgenińiz, sizdiń naǵyz chempıon ekenińizdi bútin álemge dáleldeıdi. Osy bedeldi marapatty qabyl alǵanyńyz úshin alǵys bildiremiz jáne siz IBF tıtýlyn úlken qurmetpen, adaldyqpen alyp júretinińizge senimdimiz. Ýaqyty kelgende mindetti qorǵaý jekpe-jekteri boıynsha habarlasatyn bolamyz. Qurmetpen, (IBF) tóraǵasy Karlos kishi-Ortıs», - delingen Halyqaralyq boks federatsııasynyń tóraǵasy K. kishi-Ortıstiń resmı hatynda.

Hattyń skrınshotyn D.Eleýsinovtiń menedjeri Zııa Álıev óziniń Instagram-storısinde jarııalady.