Danııar Eleýsinov IBF reıtınginde tómendedi

NUR-SULTAN. QazAqparat – Qazaqstandyq boksshy Danııar Eleýsinov (10-0, 6 KO) Halyqaralyq boks federatsııasynyń (IBF) jańartylǵan reıtınginde bir pozıtsııaǵa tómen syrǵydy, dep habarlaıdy QazAqparat Sports.kz-ke silteme jasap.

Jartylaı orta salmaqta Eleýsinov 8-orynnan 9-ǵa tústi. Aıta keteıik, Danııar namıbııalyq Djýlıýs Indongony (23-3, 12 KO) nokaýtpen jeńgennen keıin ótken jyldyń qarashasynan beri jekpe-jek ótkizgen joq. Atalǵan jeńis qazaqstandyqqa IBF Inter-Continental-diń vakantty chempıondyq beldigin alyp keldi.

Danııar Eleýsinovtiń kelesi qarsylasy reseılik Davıd Avanesıan (27-3-1, 15 KO) bolady dep kútilýde. Alaıda reseılik komanda ózge kandıdatýralardy da qarastyrýda.