Danııar Eleýsinov Golovkınniń aıqasýy múmkin qarsylasymen jekpe-jekke shyǵady
ASTANA. QazAqparat - Qazaqstandyq kásipqoı boksshy Danııar Eleýsinov (3-0, 1 KO) kelesi jekpe-jegin 20 qazan kúni Boston qalasynda (Massachýtets shtaty, AQSh) ótkizedi, dep habarlaıdy Sports.kz.
Onyń qarsylasy ázirge belgisiz. TD Garden arenasynda ótetin boks keshiniń hedlaınerleri kim ekendigi anyq. Olar: orta salmaqta WBO tujyrymy boıynsha álem chempıony Bıllı Djo Sonders (26-0, 12 KO) jáne Demetrıýs Andrade (25-0, 16 KO) bolmaq.
Aıta keteıik, Sonders qazaqstandyq basqa bir boksshy Gennadıı Golovkınmen (38-0-1, 34 KO) de aıqasýy múmkin.
Sońǵy ret Eleýsinov rıngke 4 tamyz kúni shyqty. Ol Ýels astanasy Kardıffte ótken jekpe-jekte vengr boksshysy Gabor Gorbıchti (26-12, 16 KO) upaı sanymen jeńgen bolatyn.
