Danııar Eleýsinov: Eki dúrkin Olımpıada chempıony atanýǵa múmkindigim bar
ASTANA. QazAqparat - L.Gýmılev atyndaǵy Eýrazııa ulttyq ýnıversıtetiniń stýdentterimen kezdesken Olımpıada chempıony, búginde kásipqoı boksqa aýysqan Danııar Eleýsinov kelesi Olımpıada oıyndaryna qatysýy múmkin ekendigin aıtty, dep habarlaıdy QazAqparat.
«Kásipqoı rıngtegi alǵashqy jekpe-jek osy jyldyń mamyr aıynda Qytaı astanasy Beıjiń qalasynda ótedi. Al daıyndyq ár ýaqytta da Florıda shtatynyń Maıamı qalasynda júrgiziledi. Sebebi AQSh kásipqoı bokstyń otany bolǵannan keıin sol jerde jattyǵý kerek. Onda qarsylastar da kóp. ıAǵnı, kásipqoı bokstyń qyr-syryn úırený úshin sol jaqta jattyǵýdy jón kórip otyrmyz», - dedi ol.
Danııar óz sózinde alǵashqy jekpe-jeginiń nelikten Qytaı elinde ótkiziletindigin de túsindirip berdi.
«Sebebi Qytaı eliniń sportqa qyzyǵýshylyǵy artyp keledi. Ózderińiz de biletindeı «Shanhaı» klýbyna qanshama myqty fýtbolshyny satyp alyp jatyr. Endi boks naryǵyn da ózderine tartýǵa tyrysýda», - dedi Eleýsinov.
Eleýsinov bala kezinen qazaqtan shyqqan tuńǵysh eki dúrkin Olımpıada chempıony bolýdy armandaǵandyǵyn da aıtty.
«Degenmen, ol arman tek qana arman bolyp qalmaq emes. Men kásipqoı boksqa aýysqan kúnniń ózinde de 2019-2020 jyldary baıraqty básekelerde el namysyn qorǵaýǵa múmkindigim bar. Qol qoıylǵan kelisimshartta meniń Álem chempıonatyna, Olımpıada oıyndaryna qatysýyma múmkindik beretin tarmaqtar bar. Qazaqstan boks federatsııasy Olımpıada oıyndaryna sen kereksiń, dep shaqyratyn bolsa kelisimimdi beremin, promoýterlerim de kelisedi», - dedi dańqty boksshy.
Aıta keteıik, Rıodaǵy 2016 Olımpıada oıyndarynyń jeńimpazy, tanymal qazaqstandyq boksshy Danııar Eleýsinov (69 kg) «MJA Entertainment's» promoýterlik kompanııasymen kelisimshart jasasqan.
