Danııar Eleýsinov besinshi jekpe-jegine qalaı daıyndalyp jatyr

ASTANA. QazAqparat -Univision.com saıtynyń jýrnalısi jáne fotografy Lester Sılva Instagram-da  qazaqstandyq boksshy Danııar Eleýsinovtiń sońǵy jattyǵýlarynyń kadrlaryn jarııalady, dep jazady Sports.kz.

«Olımpıada chempıony Danııar Eleýsinov Saýs-Bıchtegi (Florıda) álemge tanymal 5th Street zalynda birneshe raýnd ótkizdi», - dep jazdy Sılva.

Aıta keteıik, 27 jastaǵy Eleýsinovtiń múddesin qorǵaıtyn Matchroom Boxing promoýterlik kompanııasy onyń kásibı bokstaǵy besinshi jekpe-jeginiń qashan jáne qaıda ótetinin jarııalaǵan bolatyn. Onyń qarsylasy ázirge belgisiz.

21 qazanda Danııar Eleýsinov jartylaı orta salmaqtaǵy tórtinshi jeńisine qol jetkizdi. Bul Danııardyń álemdik reıtıngte  birshama joǵary kóterilýine jol ashty.