Danııar Eleýsinov Batys Qazaqstan oblysynyń qurmetti azamaty atandy

ORAL. QazAqparat - Qazaqstannyń eńbek sińirgen sport sheberi, Rıo Olımpıadasynyń jeńimpazy, kásipqoı bokstan álem chempıony Danııar Eleýsinov Batys Qazaqstan oblysynyń qurmetti azamaty atandy, dep habarlaıdy QazAqparat tilshisi.

Týǵan jerine kelgen boksshyǵa qurmetti ataqty Qazaqstan chempıonaty barysynda oblys ákimi Ǵalı Esqalıev tabys etti.

Óńir basshysy Danııardyń ákesi Marat Eleýsinovtiń baptaýymen boks shyńyn baǵyndyrǵanyn atap ótip, endi kásipqoı rıngte de zor tabystarǵa jetýine tilektestigin bildirdi.

Danııar Eleýsinov ózine kórsetilgen qurmet úshin alǵysyn aıtyp, aldaǵy ýaqytta da el úmitin aqtaý úshin bar kúsh-jigerin salatynyn málim etti.

Aıta keteıik, osydan birneshe kún buryn Qazaqstan kásipqoı boksynyń jaryq juldyzy, Olımpıada chempıony Danııar Eleýsinov ІVO tujyrymy boıynsha álem chempıony atanǵan bolatyn.