Danııar Eleýsinov - Azııa oıyndarynyń eki márte chempıony
ORAL. QazAqparat - Búgin Ońtústik Koreıanyń Inchhon qalasynda ótip jatqan jazǵy Azııa oıyndarynda qazaq boksynyń tarıhynda Danııar Eleýsinov tuńǵysh ret eki márte Azııa oıyndarynyń chempıony atandy.
Budan tórt jyl buryn Gýanchjoý qalasynda Danııar jas bolǵanyna qaramastan, týrnır barysynda ózine eki-aq márte soqqy darytyp, jeńimpaz bolǵan edi. Bul joly ol Inchhonǵa dúnıe júzi chempıony, óz salmaǵynda (69 kg) álemdik reıtıngtiń kóshbasshysy retinde bardy. Danııar Eleýsinov el senimin taǵy da aqtap, ádemi boks órnegin kórsete bildi.
69 keli salmaqta qazaqstandyq Danııar Eleýsinov fınalda ózbekstandyq Israıl Madrımovti 3:0 (30:27; 30:27; 30:27) esebimen utyp, Azııa oıyndarynyń eki dúrkin jeńimpazy atandy.
Danııar Batys Qazaqstannyń Qaztalov aýdany Qaıyńdy aýylynda dúnıege keldi. Keıin ákesi Marattyń qol astynda aǵasy Dáýren ekeýi Oralda jattyqty. Astanaǵa aýysqanmen, elge jıi kelip turatyn Danııardy batysqazaqstandyqtar maqtan tutady. Endi Danııar Eleýsinovke olımpıada oıyndarynyń júldesi ǵana jetpeı tur.
