Danııar Eleýsinov alda qalaı jumys isteıtindigi týraly aıtty

ASTANA. QazAqparat - AQSh-ta tórtinshi jeńisine qol jetkizgen qazaqstandyq jartylaı orta salmaqtaǵy boksshy Danııar Eleýsinov (3-0, 1 KO) aldaǵy jekpe-jekteri týraly aıtty, dep habarlaıdy Sports.kz. 

«Men áýesqoı boksta alys qashyqtyqta júrip jumys jasadym. Al kásibı boksta Djon Devıd Djekson meni jaqyn jáne orta ara qashyqtyqta bokstasýǵa úıretip jatyr. Qandaı jaǵdaı bolmasyn maǵan jumys jasap, úlken jekpe-jekterde ózimniń múmkindigimdi kórsetýim kerek», - dedi Eleýsinov.

Eske sala keteıik, búgin 27 jastaǵy qazaqstandyq Boston qalasyndaǵy TD Garden arenasynda ótken boks keshi aıasynda amerıkalyq Mett Doertıge (8-5-1, 4 KO) qarsy bokstasyp, jeńiske jetti. 

Matchroom Boxing promoýterlik kompanııasy onyń kásibı bokstaǵy besinshi jekpe-jeginiń qashan jáne qaıda ótetinin de jarııalaǵan bolatyn. Onyń qarsylasy ázirge belgisiz. 

Danııar Eleýsinov bıylǵy 4 tamyzda ótken jekpe-jekte vengrııalyq Gabor Gorbıchti (26-13, 16KO) upaı sanymen jeńgen bolatyn. Budan keıin qazaqstandyq boksshynyń BoxRec.com tanymal saıtyndaǵy reıtıngi birden 75 satyǵa joǵarylady.