Danııar Eleýsinov AQSh-taǵy aıqas aldynda salmaq ólsheýden ótti

NUR-SULTAN. QazAqparat - Erteń tańǵy mezgilde amerıkalyq Okson Hıll qalasyndaǵy (Merılend shtaty) MGM National Harbor oıyn-saýyq kesheninde boks shoýy bolady. Oǵan jartylaı orta salmaqtaǵy qazaqstandyq Danııar Eleýsinov (6-0, 3 KO) qatysady, dep jazady Sports.kz.

Alty raýndqa eseptelgen jekpe-jektegi onyń qarsylasy chılılik Lýıs Norambýena (3-1-1, 2 KO).

Olar aıqas aldyndaǵy dástúrli salmaq ólsheý rásiminen ótti. Onyń qorytyndysy boıynsha Eleýsinovtyń salmaǵy 150,2 fýnt, al Norambýen odan jeńildeý -149,4 fýnt boldy.

Jekpe-jek jeksenbi, 26 mamyr kúni tańerteń bolady. Bul kezdesý jaıly qazaqstandyq jankúıerler tikeleı translıatsııany «Habar» telearnasy arqyly kóre alady. Ol astanalyq ýaqytpen 06:05-te bastalady.