Danııar Eleýsinov AQSh-ta salmaq ólsheý rásiminen ótti
ASTANA. QazAqparat - Qazaqstandyq jartylaı orta salmaqtaǵy boksshy Danııar Eleýsinov (3-0? 1 KO) jekpe-jek aldyndaǵy salmaq ólsheý rásiminen sátti ótti, dep habarlaıdy QazAqparat.
Salmaq ólsheý rásiminde Eleýsinov - 148 fýntty, al qarsylasy - 146,8 fýntty kórsetti.
Eske sala keteıik, Eleýsinov Astana ýaqytymen shamamen erteń tańerteń AQSh-ta ekinshi aıqasyn ótkizedi. Ol Bostonda (Massachýsets shtaty) jergilikti sportshy Mett Doertımen (8-5-1, 4 KO) kezdesedi.
«Jankúıerler men ádemi boks kórsetetinim úshin maǵan jankúıerlik etýleri tıis dep oılaımyn. Ádemi boks jankúıerlerine - marhabat!», - dedi Eleýsinov.
Aıta keteıik, 27 jastaǵy Eleýsinovtiń múddesin qorǵaıtyn Matchroom Boxing promoýterlik kompanııasy onyń kásibı bokstaǵy besinshi jekpe-jeginiń qashan jáne qaıda ótetinin de jarııalaǵan bolatyn. Onyń qarsylasy ázirge belgisiz.
Eske salaıyq, Danııar Eleýsinov bıylǵy 4 tamyzda ótken jekpe-jekte vengrııalyq Gabor Gorbıchti (26-13, 16KO) upaı sanymen jeńgen bolatyn. Budan keıin qazaqstandyq boksshynyń BoxRec.com tanymal saıtyndaǵy reıtıngi birden 75 satyǵa joǵarylady.
Foto: vk.com/daniyaryeleussinov
