Danııar Eleýsinov «AIBA-nyń úzdik jyl boksshysy-2014» ataǵyn ıelendi
ASTANA. QazAqparat - Bokstan Qazaqstan ulttyq quramasynyń kapıtany Danııar Eleýsinov «AIBA-nyń úzdik jyl boksshysy-2014» ataǵyn ıelendi. Bul týraly QR Boks federatsııasynyń baspasóz qyzmetinen habarlady.
Este bolsa, ulttyq quramanyń úzdik boksshy Inchhonda ótken XVII jazǵy Azııa oıyndarynda barlyq qarsylasynan basym túsip, qurlyqtyq baıraqty básekeniń bas júldesin ıelengen edi. Jalpy, bul Danııardyń osy ataqqa ekinshi márte ıelik etýi. Óıtkeni, ótken jyly da ol Almatyda ótken bokstan Álem chempıonatynda altyn medal ıelenip, AIBA-nyń úzdik boksshysy atanǵan bolatyn. D.Eleýsinovti ulyqtaý rásimi 24 qarashada Ońtústik Koreıanyń Djedjý qalasynda ótedi.
Aıta keteıik, D.Eleýsinov 1991 jyldyń 13 naýryzynda Batys Qazaqstan oblysynda dúnıege kelgen. Ol - Álem (2013), Azıada (2010, 2014), Azııa (2013) chempıony.
