Danııar Eleýsinov 60 aıqas ótkizgen meksıkalyq boksshymen judyryqtasady

ASTANA. QazAqparat - 15 naýryzda kásipqoı boksshy Danııar Eleýsinov (5-0, 3KO) AQSh-tyń Pensılvanııa shtatyndaǵy Fıladelfııada kezekti jekpe-jegin ótkizedi, dep habarlaıdy QazAqparat tilshisi.

BoxRec.com keltirgen aqparatqa sáıkes, 2016 jylǵy Olımpıada chempıonynyń qarsylasy - 36 jastaǵy meksıkalyq Sılverıo Ortıs (37-23, 18 KO). Alda Eleýsinovti 8 raýndtyq aıqas kútip tur.

Buǵan deıin Danııardyń qarsylasy Karlos Hımenes (14-9-1, 8 KO) atty meksıkalyq dep kútilgen edi. Alaıda ol Eleýsinovpen bokstasýdan bas tartyp, onyń ornyna qazaqstandyq Batyr Júkembaevpen (14-0, 12 KO) qolǵap túıistirem dep sheshken.

Eske sala ketsek, byltyr Monakodaǵy boks keshinde Olımpıada chempıony Danııar Eleýsinov besinshi jekpe-jegin nıkaragýalyq Markos Mohıkamen ótkizip, qarsylasyn nokaýtqa jibergen bolatyn.