Danııar Eleýsinov 20 qazanda rıngke shyǵatyn boldy

ASTANA. QazAqparat - Qazaqstandyq jartylaı orta salmaqtaǵy boksshy Danııar Eleýsinov (3-0, 1 KO) kásibı rıngtegi kezekti aıqasynyń aldynda jattyǵyp jatyr, dep habarlaıdy Sports.kz.

2016 jylǵy Olımpıada chempıony Instagram paraqshasyna Florıdadaǵy (AQSh) zalda sparrıng-sessııadan sýretter jarııalady.

Eske salaıyq, Danııar Eleýsinov 20 qazanda Bostonda rıngke shyǵady. Onyń qarsylasy ázirge belgisiz.

Basty boks keshinde Bıllı Djo Sonders pen Demetrıýs Endreıd aıqasady. Alaıda, ótken aptada dopıng-synamalardyń birinde Sondersten oksılofrın tabylǵan edi. Іs boıynsha tyńdalym 8 qazanda Massachýsets Atletıka komıssııasynyń otyrysynda ótedi.