Danııar Bıǵaıdarov parany kimder kóp beretinin aıtty
Onyń sózine qaraǵanda, áleýmettik jaýapkershiliktiń jáne sybaılas jemqorlyqtyń saldarynan qoǵamda bolyp jatqan zardaptardyń júgi aýyr. Onyń zardaby tek jemqordyń ózine tıip qoımaı, sonymen birge onyń urpaǵyna, jaqyn týystaryna da qara kúıe bolyp jaǵylady.
«Taldaý kórsetkendeı, kóp jaǵdaıda para berýshiler qataryn jeke kompanııalardyń ókilderi bastap turady. Olar laýazymdy tulǵalardy paraǵa satyp alý arqyly kásipkerlik qyzmetti qolaıly iske asyrý (kedendik rásimderdi jeńildetý jáne jedeldetý, lıtsenzııalar, sertıfıkattar, ruqsattar alý jáne t.b.), oryndalǵan jumystardyń aktilerine kedergisiz qol qoıý, memlekettik satyp alý sharttary boıynsha aqsha aýdarý máselelerin sheshedi. Kásipkerlerge para berer aldynda oılaný kerektigin eske salyp, eskertkim keledi. Sonyń saldarynan olar belgili bir qyzmetpen aınalysý quqyǵynan, lıtsenzııalardan, sertıfıkattardan, ruqsattardan aıyrylýy jáne Memlekettik satyp alýǵa josyqsyz qatysýshylardyń tizilimine engizilýi múmkin», - dedi Danııar Bıǵaıdarov.
Mundaı jaǵdaıda bıznesmender tabys kózinen aıyrylyp qana qoımaı, qyzmetkerlerin jumyssyz qaldyrady.
«Halyqaralyq tájirıbede zańnamalyq deńgeıde bekitilgen bıznesti júrgizýdiń arnaıy standarttary men etıkasy qoldanylady. Eger olar oryndalmasa, aram qoldy kásipkerlerge túrli sanktsııalar qoldanylady. Para berý sııaqty qylmys quramynyń qoǵamdyq qaýiptiligin para alýmen salystyrýǵa bolatyndyǵyn atap ótken jón. ıAǵnı, «para berýshi de, para alýshy da – qylmysker ekeni haq». Sondyqtan mundaı adamdardyń is-áreketteri para alýshynyń is-áreketinen kem emes qoǵamdyq qaýipke ıe», - dedi agenttik ókili.