Danııar Begaıdarov: Bizdiń ózimizge para usynatyndar bar
Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Begaıdarovtyń aıtýynsha, jemqorlyqpen kúres sapyndaǵy mamandarǵa para usynǵan mádenıet saraıynyń basshysy 4,5 mln teńge aıyppul arqalaǵan.
«Laýazymdy tulǵalar sybaılas jemqorlyqqa qarsy qyzmet qyzmetkerlerine ózderiniń jeke máselelerin sheshý úshin para berýge tyrysatyn jaǵdaılar da bar. 4 naýryzda Qazyǵurt aýdandyq mádenıet saraıynyń dırektory Qazyǵurt aýdandyq sotynyń úkimimen 4,5 mln teńge aıyppul arqalady. Para usynǵandardyń taǵy bireýi - sol uıymnyń bas esepshisi. Oǵan 1,5 mln teńge aıyppul taǵaıyndaldy» - dedi Danııar Begaıdarov.
Onyń sózine qaraǵanda, Túrkistan oblysynyń Saryaǵash aımaǵy boıynsha sybaılas jemqorlyqqa qarsy is-qımyl jónindegi aýdanaralyq basqarmasynyń qyzmetkeri 2018-2020 jyldarǵa arnalǵan bıýdjet qarajatynyń ıgerilýin, onyń ishinde «Eńbek» aıasynda bólingen qarajattyń ıgerilýin teksergen. Osy iste quzyrly organ ókilderiniń qamqorlyǵyna ıe bolý úshin dırektor men bas esepshi 300 myń teńge kóleminde para berýge árekettendi degen kúdikke ilingen.
