Danııar Áshimbaev: Ulttyq keńesti qurý bılik pen qoǵamnyń dıalogyn damytady

NUR-SULTAN. QazAqparat – Ulttyq qoǵamdyq senim keńesinde halyqqa tanys emes adam joq. Bul pikirdi qoǵam qaıratkeri, saıasattanýshy jáne Ulttyq qoǵamdyq senim keńesiniń múshesi Danııar Áshimbaev aıtty, dep habarlaıdy QazAqparat tilshisi.

«Bul keńeske qosý úshin júzdegen adamnyń esimi aıtyldy. Biraq, olardyń bárin qossa, keńes jumysy júrmeı qalar edi. Elimizdiń qoǵamdyq-saıası damý máselelerin talqylaıtyn kásibı dıalog alańyna aınalǵan keńestiń shaǵyn quram nusqasy anaǵurlym tıimdi. Árıne, keńes pen onyń quramyn úlken jumys kútip tur. Bul durys ta. Qazirgi ýaqytta minsiz qurylymdy jasaý múmkin emes, biraq tańdalǵan tulǵalar alýan túrli pikirdi ortaǵa sala alady. Jarlyqta beıtanys adam joq. Bılikke berilgen adamdar da az. Pikirtalastan aqıqat týmasa da, sonyń jurnaǵy bolýy múmkin. Bılik qoǵamdy tyńdaýǵa daıyn jáne Ulttyq qoǵamdyq senim keńesi saıası reforma jasaýǵa, bılik-qoǵam dıalogyn damytýǵa jáne qabyldanatyn sheshim sapasyn jaqsartýǵa kómektesedi», - dedi Danııar Áshimbaev.

Aıta keteıik, Memleket basshysy Qasym-Jomart Toqaev Ulttyq qoǵamdyq senim keńesi týraly Jarlyqqa qol qoıdy. Bul týraly Prezıdent 2019 jyldyń 12 maýsymynda elordadaǵy ulyqtaý rásiminde málimdegen bolatyn.

Ulttyq keńeske túrli salada jumys isteıtin, azamattyq belsendilik tanytqan 41 adam múshe atandy.