Danııar Aqyshev úsh saǵat boıy qazaqstandyqtardyń suraqtaryna jaýap beredi
ASTANA. QazAqparat - 22 aqpan kúni (bastalýy 10:00) Qazaqstan Ulttyq bankiniń (QUB) tóraǵasy Danııar Aqyshev onlaın-rejimde konferentsııa ótkizedi, dep habarlaıdy QazAqparat.
Úsh saǵat boıy onlaın-rejimde qazaqstandyqtar Ulttyq banktiń qyzmeti, júrgizilip otyrǵan aqsha-kredıt saıasaty, qarjylyq qyzmetter salasynda óz quqyqtaryn qorǵaýǵa qatysty jáne kóptegen ózge de máseleler boıynsha suraqtarǵa jaýap ala alady.
Suraqtardy «QUB Online» mobıldik qosymshasyndaǵy «QUB tóraǵasy D.T. Aqyshevtyń onlaın-konferentsııasy» arnaıy bólimi; aqparattyq áriptes - «Kazinform» halyqaralyq aqparat agenttiginiń saıty; sondaı-aq Qazaqstan Ulttyq bankiniń Facebook (www.facebook.com/ulttykbanki/ jáne www.facebook.com/nationalbankkz/) jáne Instagram (https://www.instagram.com/national_bank_of_kazakhstan/) áleýmettik jelilerindegi resmı paraqshalary arqyly joldaýǵa bolady.
«QUB Online» mobıldik qosymshasyn App Store jáne Play Market arqyly iOS jáne Android platformalarynda memlekettik jáne orys tilderinde júktep alýǵa bolady.
